PATIOS DINÁMICOS INCLUSIVOS

Durante este curso escolar puxemos en marcha a iniciativa, dentro do programa INCLÚE+, de convidar as nosas familias a dinamizar os patios de forma que todos os nenos e nenas xogaran xuntos de forma inclusiva, deixando de lado as súas diferenzas, rompendo barreiras entre adultos e infantes e pondo en valor a cooperación e o traballo en equipo.

As actividades foron moi variadas, dende talleres de instrumentos artesanais realizados con materiais reciclados, xogos cooperativos que implica o traballo das emocións, actividades educativas sobre a vida e a importancia das abellas e xogos dinámicos moi atractivos e divertidos.Foi unha experiencia moi enriquecedora tanto para os nenos/as, as familias como os docentes.