Seguimos traballando a autoestima no noso recuncho da biblioteca, xa que consideramos que é moi importante que os nenos e nenas se coñezan a eles mesmos e se acepten e queiran tal e como son.
Primeiro escribimos nas gotiñas de auga aquelas cousas, persoas, animais... que nos fan sentir ben e no lume o que nos fai sentir mal.
Logo, na diana, escribimos aspectos positivos que vemos en nós. Con isto pretendemos que os nenos e nenas saiban ver neles todas as cousas boas que teñen.
Na ficha da potiña escribimos que cousas nos gustaría cambiar de nós e que poderiamos facer para conseguilo.
Ademais, os nenos e nenas de Educación Infantil axudáronlle ao Monstruo de Cores a clasificar cada cor no bote da emoción que a identifica...
... porque nos chegaron uns xogos sobre as emocións para poder utilizar no noso recuncho e temos moitas gañas de ir descubrindo o que agochan.
