Durante a semana pasada seguimos traballando as nosas emocións.
Creamos a "Despensa das emocións". Para elo, cada neno/a encheu os seus frascos das emocións con cousas ou persoas que lles producen felicidade, tristeza, medo, calma, rabia e amor.
Comezamos a traballar a autoestima. Esta é un aspecto clave para abordar dende a infancia, xa que constitúe un pilar fundamental no desenvolvemento persoal dos nosos nenos e nenas.
Primeiramente, realizamos a actividade "Como me vexo?". Cada neno/a debuxou a súa cara con respecto á percepción que ten de si mesmo/a. Logo, pegamos a cara de todos no mural que temos no recuncho.
A continuación, vimos un vídeo no que nos explica como traballar a autoestima e que nos servirá de apoio para a realización de posteriores actividades.
Por último, lemos algún libro sobre as emocións e xogamos ao Emotio.
Continuaremos adentrándonos no mundo das emocións...