Os Proxectos Documentais Integrados estan relacionados directamente co Traballo por Proxectos (iniciado por Dewey e Kilpatrick) e as Unidades Didácticas Integradas xeradas do traballo para as Competencias Clave. Así, podemos definilos como:  

"Os proxectos documentais integrados (PDI) son actividades nas que o alumnado, ademais de investigar sobre un tema ou un problema concreto, se familiariza cos procesos de procura, selección e tratamento da información e co traballo intelectual, empregando para iso os recursos documentais da biblioteca escolar."

​

"Son proxectos porque se desenvolven a través dunha metodoloxía activa, participativa e colaborativa, orientada ao desenvolvemento das competencias clave do alumnado. Son documentais porque, a partir dos recursos documentais que atesoran as nosas bibliotecas escolares, favorecen a procura, selección e tratamento da información, permitindo que as nenas e os nenos constrúan o seu propio coñecemento, desenvolvan a súa creatividade e sexan capaces de comunicar e compartir as súas aprendizaxes. E son integrados porque posibilitan a conexión e integración de saberes procedentes de diferentes áreas do currículo, favorecendo unha aprendizaxe globalizada e significativa que achega a escola á realidade cotiá do alumnado." ( proxecto documental integrado, Rosa Piquín Cancio)