CAN PALLEIRO (PATIOS DINÁMICOS)

O 28 de maio tivemos unha visita moi especial no cole de Laza!

A mamá dun dos nosos alumnos agasallounos coa súa presenza e trouxo consigo a súa encantadora cadela de raza Can de Palleiro, Bría.

Esta fermosa raza, orixinaria de Galicia, foi unha marabilla para todos nós. Non só coñecemos a historia e as características dela, senón que tamén tivemos a oportunidade de interactuar con ela e ver de preto o seu carácter nobre e simpático. Os nenos e nenas estaban emocionados e cheos de preguntas e a nosa visitante peluda foi marabillosa, amosando por que esta raza é tan especial.