DÍA DA MULLER TRABALLADORA

O 8 de marzo, conmemórase o “Día Internacional da Muller” e dende o cole realizamos diferentes actividades: coloreamos banderíns de mulleres galegas e fixemos un flipbook coas mulleres máis importantes para nós.

Ademais, os nenos e nenas de Educación Infantil fixeron un mural coas súas mans e un cartel. Pero, sen dúbida, o máis especial do día veu da man de Antía Pérez, a nosa muller destacada do día. Estivemos falando un ratiño con ela e manifestámoslle o orgullosos e orgullosas que nos sentimos dela. Muller traballadora e loitadora, que non renunciou nunca a cumprir o seu soño de ser a gran futbolista que é hoxe en día.