Este ano 2022, imos comezar dándolle un novo sentido e orde á biblioteca do centro. Queremos convertela no eixe central das actividades do centro, a partir da cal se organicen e deseñen diferentes propostas que inviten ao alumnado a alcanzar distintas aprendizaxes.
Desta forma creouse unha mascota tanto de biblioteca como de centro chamado o Raposo Fachón. Este nome, xorde da tradición de entroido de Laza de acender os fachóns. Este simpático animal, guiaranos en todas as propostas e deixaranos algunha que outra sorpresa.
Así mesmo, outro dos obxectivos que queremos perseguir e a renovación da biblioteca. Para iso, na medida do posible, estase reorganizando e pondo novo mobiliario neste espazo para facelo un sitio acolledor que invite aos nenos/as a desfrutar de experiencias lectoras.
Outro dos aspectos a destacar é a creación desta páxina web onde se subirán todas as novidades relacionadas coa biblioteca.
Comments