INVESTIGACIÓN TIPOS DE INCIDENDIOS

Durante o primeiro trimestre, o alumnado de 1º, 2º e 3º estivo a traballar arredor da temática dos incendios forestais, afondando no seu coñecemento a través da investigación e do traballo cooperativo.

Ao longo deste período, os nenos e nenas investigaron os diferentes tipos de incendios, as formas de propagación e a súa clasificación segundo o tipo de vexetación afectada. Este traballo permitiulles comprender mellor como se orixinan e se espallan os incendios, así como a importancia da prevención e do coidado do medio natural.

A través de distintas actividades, o alumnado desenvolveu habilidades de busca de información, análise e posta en común dos contidos aprendidos, fomentando unha aprendizaxe activa e significativa.

Este traballo forma parte do proxecto do centro, co que se pretende concienciar ao alumnado sobre a protección do noso contorno e o respecto polo medio ambiente.